Lyrics

When Cromwell marched intae oor land
For tae steal oor sovereignty
A plan was hatched tae tak them north
And save the Honours Three

Tae save the honours Three, tae save the Honours Three
A plan was hatched tae tak them north and save the Honours Three

Fae Edinburgh in the deed o nicht
Tae Dunnotter by the cauld North Sea
The strongest wa’s in a the land
Protecting the Honours Three

Protecting the Honours Three, protecting the Honours Three
The strongest wa’s in a the land, protecting the Honours Three

When Cromwell heard aboot this plan
His orders were bring them tae me
I will not rest till they’re in my hands
And I have the Honours Three

Till I have the Honours Three, I have the Honours Three
I will not rest till they’re in my hands and I have the Honours Three

Wi Roondheeds at the castle wa’s
Inside Commander Ogilvy
Got a message tae Kinneff Auld Kirk
Come and rescue the Honours Three

Come and rescue the Honours Three, rescue the Honours Three
Got a message tae Kinneff Auld Kirk, come and rescue the Honours Three

Noo the Reverend Grainger and his wife
Got them oot then home did flee
Then underneath the Kirk’s steen flair
They hid the Honours Three

They hid the Honours Three. they hid the Honours Three
Then underneath the Kirk’s steen flair they hid the Honours Three

And there they stied for nine lang years
No a word got oot on far they’d be
Wi a king returned they were handed back
And hame were the Honours Three

Back hame were the Honours Three. hame were the Honours Three
Wi a king returned they were handed back and hame were the Honours Three

So in Edinburgh noo they sit
Their splendour there for a’ tae see
The Croon and Sceptre and Sword of State,
Oor pride the Honours Three

Oor pride the Honours Three, oor pride the Honours Three
The Croon and Sceptre and Sword of State, oor pride the Honours Three
Oor pride the Honours Three, oor pride the Honours Three
The Croon and Sceptre and Sword of State, oor pride the Honours Three